Komt d'r in!
Actueel | Komt d'r in!
Komt d’r in (dan kö’j d’r uutkieken)
Zo sprekt ze oe an a’j in Bronckhorst ergens binnengaot. De leu uut Bronckhorst heit oe van harte welkom. Ze bunt gastvri-j en gemudelijk. Zie vindt ’t machtig um oe iets aover eur umgeving te vertellen. D’r is jao ok genog te ziene en te belaeven.
Wi-jleu wilt oe geerne wat meer vertellen aover de gemeente waor wi-j woont en laeft.
A’j aover den Iessel onzen gemeente binnenkomt, dan kom i-j met de ponte uut Brummen of Dieren. Zo krieg i-j al een verdraejd mooi uutzicht op ons mooie coulissenlandschap. Daor steet Bronckhorst um bekend. Bösse en weiden wisselt mekare af. Um en um, um zo maor te zeggen! Wi-j hebt meer as 200 kilometer an zandwaege. Met de ponte kom i-j in Bronkhorst, het kleinste stedjen van Nederland. Daor vin ie-jvölle monumenten. Ok kunstwinkels en van die ruumten waor kunstemakers warkt en laot zien wat ze verkopen wilt. A’j de gemeente intrekt, naor de kante van Vorden, zie’j maor liefst negen kastelen. Daor steet dat darp um bekend. Gao’j naor ‘t zuden, deur Hengel, dan kom i-j bi-j den Langenbarg. Meer van die barge hebbe wi-j niet in Bronckhorst. Maor dén barg is dan wel een paradies veur leu die an Nordic walking doet. I-j kunt daor vandan ok met ezels gaon lopen.
Vanuut ’t westen kom i-j deur Hummelo en Laeg en Hoog Keppel. Kleine plaetskes waor i-j good könt waen. In Laeg Keppel steet ok nog een mooi kasteel.
D’r is zó völle te ziene en te doene in Bronckhorst, da’j d’r haost wel ‘n paar dage mot verblieven. Daor he’w dan ok hotels, huze met bed&breakfast en campings veur, waor i-j gebruuk van kunt maken.
Met de benewagen, op de fietse of op ‘t peerd, wi-j hebt d’r allemaol routes veur uut-ezet. Die bunt de meujte weerd.
Wieter is onzen gemeente bekend um de völle bedrieven met ni-jerwetse ideeën en uutvindingen. Innovatief nuumt ze dat bi-j oeleu. Aover den helen wereld wet ze onze bedrieven te vinden. Wat dacht i-j van de patat van de Aviko, of de schokbrekkers van Reiger, die völle wagens den Paries-Dakar-rallye deur helpt. Ok bi-j de boeren gebeurt ‘t neudige. D’r bunt d’r al wat die ander wark d’r naost doet, zoas kampeerplaetse hollen. Ok komt d’r meer landgoederen, waor de natuur meer kansen krig.
In de 43 darpe en buurtschappen vin i-j van alles. Winkels, café’s, ethuuskes, scholen en bezundere belaevenissen. Veural in ’t veurjaor en in den zommer is d’r altied van alles te belaeven. De Achterhookse Peerdedagen in Zelhem, de Castle Fair in Vorden, de Hengelse motorrace, de Kunst10daagse, maor ok karmisse met optochten en vogelschieten. Veur de kinder is d’r in de zommer Berenddag, Koen Kampioendag en Smoks-Hanne-dag en ze könt d’r op uut met Expeditie Bronckhorst. A’j meer wilt wetten aover wat d’r allemaol meugelijk is in Bronckhorst, kiek dan effen op www.vvvbronckhorst.nl.
In Bronckhorst warke wi-j hard an ’n fijnen umgeving veur alleman. Of ‘t noe geet aover wonen, warken of vri-je tied. Op dizzen website vin i-j van alles aover de gemeente. I-j meugt ok ankommen bi-j ons in ’t gemeentehuus of ’t gemeentekantoor. Komt d’r in, wi-j helpt ow graag wieter.
Wi-j wenst oe völle plezier bi- j ons in Bronckhorst.
Henk Aalderink, burgemeister
Zo sprekt ze oe an a’j in Bronckhorst ergens binnengaot. De leu uut Bronckhorst heit oe van harte welkom. Ze bunt gastvri-j en gemudelijk. Zie vindt ’t machtig um oe iets aover eur umgeving te vertellen. D’r is jao ok genog te ziene en te belaeven.
Wi-jleu wilt oe geerne wat meer vertellen aover de gemeente waor wi-j woont en laeft.
A’j aover den Iessel onzen gemeente binnenkomt, dan kom i-j met de ponte uut Brummen of Dieren. Zo krieg i-j al een verdraejd mooi uutzicht op ons mooie coulissenlandschap. Daor steet Bronckhorst um bekend. Bösse en weiden wisselt mekare af. Um en um, um zo maor te zeggen! Wi-j hebt meer as 200 kilometer an zandwaege. Met de ponte kom i-j in Bronkhorst, het kleinste stedjen van Nederland. Daor vin ie-jvölle monumenten. Ok kunstwinkels en van die ruumten waor kunstemakers warkt en laot zien wat ze verkopen wilt. A’j de gemeente intrekt, naor de kante van Vorden, zie’j maor liefst negen kastelen. Daor steet dat darp um bekend. Gao’j naor ‘t zuden, deur Hengel, dan kom i-j bi-j den Langenbarg. Meer van die barge hebbe wi-j niet in Bronckhorst. Maor dén barg is dan wel een paradies veur leu die an Nordic walking doet. I-j kunt daor vandan ok met ezels gaon lopen.
Vanuut ’t westen kom i-j deur Hummelo en Laeg en Hoog Keppel. Kleine plaetskes waor i-j good könt waen. In Laeg Keppel steet ok nog een mooi kasteel.
D’r is zó völle te ziene en te doene in Bronckhorst, da’j d’r haost wel ‘n paar dage mot verblieven. Daor he’w dan ok hotels, huze met bed&breakfast en campings veur, waor i-j gebruuk van kunt maken.
Met de benewagen, op de fietse of op ‘t peerd, wi-j hebt d’r allemaol routes veur uut-ezet. Die bunt de meujte weerd.
Wieter is onzen gemeente bekend um de völle bedrieven met ni-jerwetse ideeën en uutvindingen. Innovatief nuumt ze dat bi-j oeleu. Aover den helen wereld wet ze onze bedrieven te vinden. Wat dacht i-j van de patat van de Aviko, of de schokbrekkers van Reiger, die völle wagens den Paries-Dakar-rallye deur helpt. Ok bi-j de boeren gebeurt ‘t neudige. D’r bunt d’r al wat die ander wark d’r naost doet, zoas kampeerplaetse hollen. Ok komt d’r meer landgoederen, waor de natuur meer kansen krig.
In de 43 darpe en buurtschappen vin i-j van alles. Winkels, café’s, ethuuskes, scholen en bezundere belaevenissen. Veural in ’t veurjaor en in den zommer is d’r altied van alles te belaeven. De Achterhookse Peerdedagen in Zelhem, de Castle Fair in Vorden, de Hengelse motorrace, de Kunst10daagse, maor ok karmisse met optochten en vogelschieten. Veur de kinder is d’r in de zommer Berenddag, Koen Kampioendag en Smoks-Hanne-dag en ze könt d’r op uut met Expeditie Bronckhorst. A’j meer wilt wetten aover wat d’r allemaol meugelijk is in Bronckhorst, kiek dan effen op www.vvvbronckhorst.nl.
In Bronckhorst warke wi-j hard an ’n fijnen umgeving veur alleman. Of ‘t noe geet aover wonen, warken of vri-je tied. Op dizzen website vin i-j van alles aover de gemeente. I-j meugt ok ankommen bi-j ons in ’t gemeentehuus of ’t gemeentekantoor. Komt d’r in, wi-j helpt ow graag wieter.
Wi-j wenst oe völle plezier bi- j ons in Bronckhorst.
Henk Aalderink, burgemeister
Snel naar